7月7日及8日兩天相關戰果
1. F組：巴吞1-0卡雅、蔚山3-0越南電信
2. G組：浦項1-1名古屋
3. H組：全北3-1清萊、飛腳8-1淡賓尼
4. I組：大邱1-3川崎
分析：
四組各場比賽的勝負一如預期
1. F組巴吞和蔚山分途贏波之後，次席巴吞已有12分，下場面對蔚山只要取得1分即可穩奪出線權，贏三球或以上更可反壓蔚山以首名出線，即使落敗亦仍有機會出線。
2. G組浦項只能和大部份時間收起全部外援的名古屋打成平手，以6場11分完成分組賽，出線形勢十分被動，要期望飛腳(H組)、大邱(I組)及傑志(J組)當中最多只有一隊贏波方可出線。
3. H組飛腳突然認真(?)以8-1大炒淡賓尼，以及全北擊敗清萊後，飛腳已穩奪H組次名，但要出線仍須在最後一仗擊敗榜首全北，和波的話要期望大邱(I組)和傑志(J組)一同輸波才可出線。
4. I組大邱一如所料地未能在川崎身上取分，但餘下一場只是對實力有明顯差距的聯城，贏波的話幾可肯定能夠憑得失球優勢取得出線席位，爆冷和波的話就要期望飛腳(H組)未能贏波以及傑志(J組)未能取得分數。
總結：
仍然使用上一篇文章的四個情況來總結傑志的出線條件：
(A) 傑志以兩球或以上差距擊敗櫻花，由於同分先計對賽，即可首名出線。
(B) 若傑志以一球擊敗櫻花，則傑志以13分得失球+4排在小組次席，在大邱(I組)輸波以及浦項(G組)和波後，傑志必定取得出線席位。
(C) 若傑志只能賽和櫻花，則必須視乎其他組別情況，以下四項條件中至少出現兩項，傑志才能晉級。C-1 巴吞(F組)餘下兩場只能取得1分C-2 浦項(G組)敗於名古屋
C-3 飛腳(H組)未能兩連勝
C-4 大邱(I組)餘下兩場只能取得1分 (7月9日更新：即最後一場聯城必須在大邱身上取分)
(D) 若傑志落敗，同樣須視乎其他組別情況，以下四項條件中至少出現兩項，傑志才能晉級。D-1 巴吞(F組)餘下兩場均落敗，或兩場只取得1分，並在輸波一場以較傑志落敗比數輸多三球或以上。
D-2 浦項(G組)敗於名古屋，並且較傑志落敗比數輸多兩球或以上。
D-3 飛腳(H組)未能取得一勝一和或以上。 (7月9日早上更新：即全北最後一場必須擊敗飛腳)
D-4 大邱(I組)餘下兩場均落敗，或兩場只取得1分，並在輸波一場以較傑志落敗比數輸多十二球或以上。
個人不負責任意見：
巴吞(F組)雖然已取12分，但從表現上睇和蔚山仲係有明顯差距，贏波機會不大，但若蔚山留力而巴吞又全心求和的話，有機會取得1分出線。而且F組比賽是最後一組，或許到時已經篤定出線可以放鬆踢。
本來我認為飛腳(H組)出線機會渺茫，但上仗突然不留手咁大炒淡賓尼8-1，士氣高漲球員本身又有能力嘅情況下，上一輪對全北亦只係僅敗一球，係最後一場擊敗全北並非不可能。
大邱(I組)輸俾川崎係預計以內，目標應該從來都只係最後一場對聯城全取3分，而且較飛腳(H組)和傑志(J組)更遲踢，除非飛腳可以大炒全北五球，大邱先有可能贏波都出唔到線。
傑志(J組)想出線基本上係要贏櫻花，由上一輪對賽見到係有能力，但踢完五場之後U40嘅傑志仲有冇咁好體能係比賽尾段應付得嚟係一個問題。
至於櫻花放水的可能性唔係冇，始終而家放水係有機會踢走浦項同埋同市宿敵飛腳，不過而家飛腳聯賽排緊16，櫻花會唔會更加想放飛腳入十六強呢？
另外如果傑志次名出線的話，櫻花十六強遇到嘅對手應該都唔會係佢哋想踢嘅，因為分別係川崎、全北、飛腳或者蔚山(其實要浦項出到線嘅可能性都幾低)。
但如果櫻花真係落次名，十六強就要對名古屋，點睇都係唔放傑志入十六強易踢啲。
沒有留言:
張貼留言