7月7日及8日兩天相關戰果
1. F組：巴吞1-0卡雅、蔚山3-0越南電信
2. G組：浦項1-1名古屋
3. H組：全北3-1清萊、飛腳8-1淡賓尼
4. I組：大邱1-3川崎
分析：
四組各場比賽的勝負一如預期
1. F組巴吞和蔚山分途贏波之後，次席巴吞已有12分，下場面對蔚山只要取得1分即可穩奪出線權，贏三球或以上更可反壓蔚山以首名出線，即使落敗亦仍有機會出線。
2. G組浦項只能和大部份時間收起全部外援的名古屋打成平手，以6場11分完成分組賽，出線形勢十分被動，要期望飛腳(H組)、大邱(I組)及傑志(J組)當中最多只有一隊贏波方可出線。
3. H組飛腳突然認真(?)以8-1大炒淡賓尼，以及全北擊敗清萊後，飛腳已穩奪H組次名，但要出線仍須在最後一仗擊敗榜首全北，和波的話要期望大邱(I組)和傑志(J組)一同輸波才可出線。
4. I組大邱一如所料地未能在川崎身上取分，但餘下一場只是對實力有明顯差距的聯城，贏波的話幾可肯定能夠憑得失球優勢取得出線席位，爆冷和波的話就要期望飛腳(H組)未能贏波以及傑志(J組)未能取得分數。
*文中時間全部為香港時間。
首先是J組：
1. 櫻花首名領先傑志3分，最後一輪對傑志。由於同分先計對賽，若傑志以兩球或以上，即可以首名晉級淘汰賽。
2. 截至計數一刻(Jul-7 1000)，其他四組的次名仍有三隊有機會取得13分或以上。
3. 其中浦項(G組)除非大勝名古屋或櫻花星期五晚大敗，否則即使取勝得失球也應該不及櫻花。
小結：若櫻花真的以兩球落敗，則很大機會傑志一齊出線。
現時（6月9日），香港隊正在巴林出戰2022年世界盃外圍賽暨2023年亞洲盃外圍賽第二圈，香港的目標係2023年亞洲盃正賽，但已經冇可能係第二圈拎到小組首次名直接晉級，亦拎唔到小組第三名，所以現時目標係小組第四名，透過計算四隊最佳第四名直接晉身亞洲盃外圍賽第三圈而踢少一輪附加賽。
---------------------------------------------------------------------------------------------------------------------
A組馬代同菲律賓爭1分，最後一場互對，但菲豬仲有一場對關島，而馬代對菲豬之前要對國豬，點睇都似拎唔到分，咁嘅位扣咗係關島身上嘅分，馬代呢個第四位係0分
---------------------------------------------------------------------------------------------------------------------
B組第四名一定係尼泊爾，但餘下一場對榜首澳洲，扣完對台灣分數，又係0分
---------------------------------------------------------------------------------------------------------------------
C組香港，扣完得1分，得失球-4
---------------------------------------------------------------------------------------------------------------------
D組巴勒斯坦、新加坡、也門三隊都仲有機會爭第三
巴勒斯坦(7戰7分得失球-3，和沙地、贏烏豬同新加坡，餘下一戰對也門)
新加坡(7戰7分得失球-12，和也門、贏也門同巴勒斯坦，餘下一戰對沙地)
也門(6戰5分得失球-8，和沙地同新加坡、贏巴勒斯坦，餘下兩戰對烏豬同巴勒斯坦)
牌面上新加坡冇機會再拎分，也門亦都應該唔會贏到烏豬，如果巴勒斯坦最後一場贏或者和也門，新加坡排第四扣完分之後係3分；如果也門贏巴勒斯坦少過10球，巴勒斯坦就排第四，扣完對新加坡會有4分
---------------------------------------------------------------------------------------------------------------------
E組印度、阿富汗、孟加拉三隊有機會排第四
印度(7戰6分得失球-1，贏孟加拉、和卡塔爾、阿富汗同孟加拉，餘下一戰對阿富汗)
阿富汗(6戰5分得失球-9，和印度同孟加拉、贏孟加拉，餘下兩戰對阿曼同印度)
孟加拉(7戰2分得失球-13，和印度同阿富汗，餘下一戰對阿曼)
假設阿曼全勝，孟加拉篤定包尾的情況下，印度現時扣完都有2分，阿富汗扣完係1分得失球-9(若阿曼全勝則至少-10，若阿曼未能擊敗阿富汗，則扣完後有多於1分)
若孟加拉要升上第四，則要擊敗阿曼同時阿富汗兩戰全敗，咁孟加拉扣完都有4分....
---------------------------------------------------------------------------------------------------------------------
F組吉爾吉斯同緬甸都仲有權爭第二，而蒙古有機會被動地升上第四，所以如果要計最佳第四名嘅對手，其實塔吉克、吉爾吉斯、緬甸同蒙古都要考慮。
先睇簡單啲就係緬甸輸晒兩場兼合共失多過6球，咁蒙古第四緬甸包尾嘅情況下，扣完對緬甸嘅賽果，蒙古仍然有贏吉爾吉斯果3分
複雜啲嘅情況係蒙古包尾，以現時分數去睇塔吉克、吉爾吉斯、緬甸三隊扣完對蒙古戰績，分別係4分、4分、3分
所以無論係邊個情況，計最佳第四名都會高過現時嘅香港
---------------------------------------------------------------------------------------------------------------------
G組越南肯定唔會跌到落第四，印尼則肯定包尾。
阿聯酋數字上仍有可能跌落第四(分別大敗予越南及印尼，然後馬拉贏越南輸泰國，咁就三隊12分計得失球)，但咁的話扣完對印尼都有9分。
馬拉同泰國用現時分數計，扣完都分別有3分同5分。
---------------------------------------------------------------------------------------------------------------------
H組因為北泡退出，斯里蘭卡已經打晒，肯定0分排小組第四。
---------------------------------------------------------------------------------------------------------------------
總結：如果香港餘下兩場贏唔到波的話，D、F、G組現況已經肯定係計最佳第四名果陣排得高過香港，所以得返一個位。A、B組就應該九成0分排得低過香港，所以其實就係同E組之爭，而印度現時扣完已經有2分，所以要寄望阿曼同印度幫手大炒阿富汗，同埋自己要失少啲波！
